INAUGURACIÓN DA BIBLIOTECA

O pasado 24 de outubro, coincidindo coa conmemoración do Día das Bibliotecas, inauguramos a  Biblioteca da EEI Rúa Aragón, Sete Xanelas!

O lema deste ano é “Tecendo comunidades”, pois a biblioteca é un espazo de conexión e aprendizaxe onde as historias, as experiencias e os coñecementos son os fíos que nos unen uns aos outros. 

A nosa escola pretende que a biblioteca teza unha forte comunidade polo que a inauguración da mesma foi en compañía das familias. 


Vivimos unha tarde moi especial:

En primeiro lugar, desfrutamos dunha "contada" diferente a través do retroproxector. No conto "Un universo na túa maleta" coñecimos a Peter Panker, un neno que se converte en explorador de contos despois de visitar a "axencia de viaxes" máis bonita da súa cidade: a biblioteca.



 

A continuación, visionamos un vídeo no que se explicaban certos aspectos da nosa biblioteca: de onde ven o seu nome, as novas deste ano (somos centro PLAMBE), as súas normas, o espazo de fondos para as familias...

Vídeo Sete Xanelas


A través do xogo e a experimentación, inauguramos un novo espazo: a Biblioteca Creativa.













E para rematar, desfrutamos xuntos e xuntas dunha merendola :)






Comentarios

Publicar un comentario

Entradas populares de este blog

Radio na Biblio!

Imagen
 Un dos obradoiros que levamos a cabo os mércores é radio escolar.  O obxectivo desta proposta, ademais de todos os derivados do traballo coa radio (mellora da comunicación oral, creatividade, fomento da memoria...), é mellorar a accesibilidade da nosa biblioteca de forma colaborativa.   Os fondos bibliográficos que atopamos na nosa biblioteca, na súa maioría, son textuais ou ilustrativos, polo que alumnado con necesidades derivadas dunha discapacidade sensorial ou cognitiva, precisan de apoios e adaptacións coma os audiolibros/audiocontos. Velaquí o resultado do primeiro audioconto que estará dispoñible na nosa biblioteca a partires da próxima semana, con opción a audio e con opción a vídeo. AUDIO CONTO "MARUXA" https://drive.google.com/file/d/1G6vV58H0CTIvEaVAoh7iPt0bErXNlccF/view?usp=sharing As voces son do primeiro grupo que pasou polo obradoiro de Radio no mes de decembro.
Leer más

SEMANA DO LIBRO 2024

Imagen
  Durante toda a semana, programáronse diferentes actividades e propostas que nos abrazasen máis (se cabe) á literatura. O programa foi o seguinte: Venres 19, recibimos ao alumnado do CEIP Frián de Teis para levar a cabo unha dinámica chamada "Degustación Literaria" onde a partir de contos e libros informativos relacionados co noso PDI de centro deste curso "Coidárte-me", gozamos de diferentes propostas de xogo e literatura.   O martes 23, propio Día do Libro, levamos a cabo unha saída á Fundación Sales, onde da man de Cristina, de Arte y Garabato, fixemos un Herbario Imaxinario. E tamén visitamos logo os xardíns da fundación.   Ese mesmo día, pola tarde, as portas da biblioteca estiveron, como cada martes, abertas ás familias. Pero desta vez, con propostas literarias e lúdicas.   E unha contada máxica a cargo das mestras da escola!   Durante toda a semana, na hora de ler, como cada día, gozamos de lecturas compartidas. E algunhas moi especiais, coma a do mércores,
Leer más

DÍA DE ROSALÍA 2024

Imagen
 Este curso, polo Día de Rosalía, ademais de investigar sobre a súa biografía durante estos días, coñecimos parte da súa obra co audio libro de Uxía "Rosalía pequeniña" e outros poemarios. O produto final logo desta investigación foi o seguinte díptico que levamos para casa: O código QR leva ao seguinte enlace onde poder escoitar o poema narrado na radio da Rúa Aragón: https://drive.google.com/file/d/1mdd7o4X3JyfXTv70wjN4jalFTfXqXkuU/view?usp=drive_link
Leer más